Frå Oslo

Med bil

Vanlege køyreruter frå austlandet er å køyre via Hemsedal og Lærdal, eller via Hamar, Lom og Stryn. Køyrer du via Lom kan du om sommaren køyre Sognefjellet eller gamle Strynefjellsvegen, som begge er nasjonale turistvegar.

For informasjon om veg og køyreforhold, sjå nettsidene til Statens Vegvesen eller ring tlf 175.

Med fly

Widerøe har fleire daglege avgangar til og frå Oslo, til både Florø og Førde. Sjå wideroe.no for billettar. Ein kan også fly til Bergen, og reise vidare til regionen med ekspressbåt, buss eller leigebil.

Med buss

Nor-way Bussekspress køyrer til Sogn og Fjordane frå Oslo. Ta bussen til Førde, kor du kan bytte til lokale ruter som tek deg vidare ut til kysten.