Bakkekletten frå Kloppa

Om

Lett og fin tur på ca 3 km med start i Kloppa, like innafor brua i Holmedal.

Frå parkeringsplassen i Kloppa, tek vi først til høgre på fv. 609, deretter opp til venstre og vi går den gamle råsevegen. Vi går til høgre opp traktorveg, og når de kjem til første høgresving, går stien opp på venstre side gjennom oreskogen. De går over myra, gjennom granskogen, og deretter held de til høgre. Når de kjem opp gjennom skaret fram mot kanten, held de til høgre ut mot første rasteplass.

Vidare går vi tilbake til skaret og går på kanten av Kletten inn mot høgste punkt, 155 m.o.h. til siste rasteplass. Tilbake samme løype ned til vedlageret, der kan de følgje privat/kommunal veg tilbake til parkeringsplassen.