Dokka om Nyksvatnet

Om

Toppturen til Dokka (756 m.o.h.) er ein favoritt hos mange. Opplevinga er stor når du er komen opp, ei herleg utsikt langt inn i landet, og utover alle øyar. Turen opp tek rundt 2 timar.

Du startar frå parkeringsplassen ved vassverket og går på traktorveg mot Vikastølen. Derifrå går du på fin sti mot Nyksvatn, som er drikkevatnet til Askvoll og Holmedal. Når du er komen hit, kan du gå vidare til Dokka, Moldura eller fylgje Kystarvstien om Hålandstølen og vidare tilbake til parkering. Frå Nyksvatn går stien til Dokka over elv på venstre side, og det er merka sti til toppen.